आवो भेरू जी, आवो भेरू जी,
म्हारा पीहर के गेले चुतरो।
आती जाती ने लागु धोग रे,
नखराला भेरू, आवो।
मारी वेलिया में काई रूसणो।१।
आवो भेरू जी, आवो भेरू जी,
लाली लवारण थाने लुटिया।
साकळा खाबा ने वेगो आव रे,
नखराला भेरू, आवो।
थारा सेवक बुलावे वेगा आवज्यो।२।
आवो भेरू जी, आवो भेरू जी,
कपूरी धोबण थाने कुटिया।
कपडा धोबा ने वेगा आव रे,
नखराला भेरू, आवो।
थारा भक्त बुलावे वेगा आवज्यो।३।
आवो भेरू जी, आवो भेरू जी,
लूणी चामरंण थाने लुटिया।
कोवडा खाबा ने वेगो आव रे,
नखराला भेरू, आवो।
थारा सेवक बुलावे वेगा आवज्यो।४।
आवो भेरू जी, आवो भेरू जी,
भक्ति मंडल करे विनती।
राखो राखो सरणा रे माई ने,
नखराला भेरू, आवो।
थारा सेवक बुलावे वेगा आवज्यो।५।
आवो भेरू जी, आवो भेरू जी,
म्हारा पीहर के गेले चुतरो।
आती जाती ने लागु धोग रे,
नखराला भेरू, आवो।
मारी वेलिया में काई रूसणो।६।
